Iritsi zaigu udaberria azkenean, mendiak berde ederrez margotuta ikusten dira eta loreak ere hasi dira beraien pintzelkadak ematen. Abarketatxo Ludotekan ere, udaberriari ongi etorria egin diogu aurtengoan eta urtaro zoragarri honen hasiera aprobetxatuz gure baratza martxan jarri dugu.

Haurren eta animalien arteko harremana berezia da. Lotura berezia naturalki ematen da eta umeak animaliak errespetuz ezagutzeko aukera izateak onura anitzak izan ditzake. Duela sei urte kide berri bat batu zen gure Ludotekara, Rupert.

Rupert dordoka 2014an etorri zen Ludotekara eta ordu ezkero haurrei alaitasuna emateaz gain hainbat ezagutza barneratzeko ere balio izan du. Txikitan asko dira etxea maskota bat izateko eskatzen duten haurrak, maskota bat etxean izateak ekar lezakeen lana edo inplikazioa kontuan izan gabe. Gaur egun, Abarketatxo Ludotekan, hezitzaileak ez ezik haurrak ere badira Rupert dordoka zaintzearen erantzule. Haurrek janaria ematen diote, berarekin jolasten dute, ura aldatzen diote… eta etxea zikina duenean, garbitu ere egiten diote.

         

Hemen duzue Ihintzak bidaltzen dizuen mezua. ANIMATU.  

Eusko Jaurlaritzako Gazteria Zuzendaritzak Auzolandegiak programaren 2020. urteko deialdia bertan behera uztearen erabakia hartu dute. COVID-19ak sortutako egoerarekin, ezin dute partaide eta langile guztien segurtasuna bermatu, ezta programak garapen arrunta izatea ere. Gainera, kontutan hartu behar da, gaur egun ezin dute jakin ondorengo hilabeteetan izango diren osasun-neurriak zeintzuk izango diren. Guzti honengatik, programa bertan behera uztea erabaki dute eta, ondorioz, aurtengo aurreinskripzio epea ez dute zabalduko.

Gazteria zerbitzuetan SEKULAKO gauzak lantzen ari gara, bai ludotekan eta bai topalekuan, eta denetan ondo pasatzen ari gara. Hemen dakarkizuegu gure momentu eder batzuk DBH1eko neskekin.  

Auzolandegien aurreinskripzioak eten egin da. Aurrerago emango dute data hauen berri Jaurlaritzatik.

COVID-19 sortutako osasun egoera ikusita, programaren aurtengo deialdia bertan behera gelditu da.  

Antolatzaileek iraileko lehen asteburura atzeratu dute eta  Irailaren 4,5 eta 6 izango da 3x3 Futbon Festa. Izen-emate epea ere maiatzaren 15etik uztailaren 1era luzatu dute. Azkoitian izena eman daiteke Ñam-Ñam gozotegian eta Plaza Berri Sport-en. Azpeitian, Ufito Moda dendan.              

2020-2021 ikasturterako Kid&Us akademiak ingeles laguntzaileak eta ingeles irakasleak behar dituzte Azpeitiko Akademian. INGELES LAGUNTZAILE informazioa eta baldintzak INGELES IRAKASLE informazioa eta baldintzak Interesa duenak CVea Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. mail helbidera bidali beharko du.  

“Nik ez dut nahi jolastu” esan zuen batek. “Ba jolastu beharko duzu!” esan zion besteak. “Ezin nauzu derrigortu”, erantzun honek.

Arrazoia zuen gazteak; ezin zuen derrigortu. Askotan entzun izan dugu gainera esaldi edo baieztapen hau: “Derrigorrezkoa hiltzea bakarrik da”. Ba ez itxura! Derrigorrezkoa etxean egotea ere bihurtu da. Orain jolastu nahi duenak etxean jolastu beharko du. Eta bakarrik. Beno ez, bakarrik ez. Mugikorra, Play-a edo ordenagailua baduzu ez omen dago zertan bakarrik jolastu. Neure begiokin ikusi ditut gazteak mugikorreko aplikazioen bidez partxisean jolasten. Edo egun, hain ahalguztiduna den “Fornite” jokoaren bidez ezkutaketan ibiltzen.

Futbolari sutsuak direnak ere futbolean dabiltza jo eta su; Play-ko Fifan.

Orain derrigorra da etxean egotea bai; eta hori ulertzen ez duena etxean egotera derrigortu behar da. Baina hau amaitzen denean, eta laster amaituko da, ea gazteak kalera ateratzeko derrigortu beharrik ez dugun izaten; ze derrigorra hiltzea bakarrik da …